URAT MESDHETARE – BIENALIA E 6-të NDËRKOMBËTARE E AKUARELIT NË TIRANË

Një dritare drejt botës përmes transparencës së ngjyrës dhe frymës mesdhetare

Në një kohë kur Arti shërben gjithnjë e më shumë si një urë që lidh kultura, histori dhe identitete, Shoqata Kulturore VIZart dhe IWS Albania prezanton edicionin e gjashtë të Bienales Ndërkombëtare të Akuarelit, një ngjarje artistike me përmasa të gjera që këtë vit merr një dimension të veçantë për shkak të përkimit me shpalljen e Tiranës si Kryeqyteti Mesdhetar i Kulturës dhe Dialogut për vitin 2025, së bashku me qytetin e Aleksandrisë në Egjipt, një titull i dhënë nga Unioni për Mesdheun.